العرب ومقصدش بكلمة العرب الخليج لان مش الخليجيين بس اللى عرب قصدى كل عربى كل مسلم عربى
ايه نظرتكم لحال العرب والمسلمين
ايه رايك فى اللى بيحصل ليهم
فى اللى بيعملوه ببعض
ايه رايك فى الكره العربى العربى
ليه العرب بيكرهوا بعض
ليه بنكره بعضنا
مصرى قطرى سعودى اماراتى ليبى مغربى جزائرى سودانى كويتى فلسطينى عراقى بحرينى سورى لبنانى تونسى عمانى.................
ليه بقينا احزاب ليه كل واحد بيقول ياللا نفسى
وياترى الكره ده على مستوى الرؤساء والملوك
ولا احنا كشعوب كاخوان كبنى ادميين بقينا نكره بعض
يا ترى اصبحنا الاخوة الاعدء؟؟؟؟؟؟؟؟؟؟؟؟؟؟
سؤال واتمنى تشاركونى الاجابه
لانى هكوون سعيد جدا وانتم كمان اكيد هتكونوا سعداء لو قدرتم تخلو اتنين اخوات بيكرهوا بعض يرجعوا اخوات من تانى ويحبوا بعض ويخافوا على بعض؟؟
(قال رسول الله (ص
"فيما معناه
سيأتى زمان تتكالب فيه الامم عليكم قالوا امن قلة نحن يومئذ يا رسول الله؟
قال صلى الله عليه وسلم
بل كثير ولكن غثاء كغثاء السيل.
صدق رسول الله صلى الله عليه وسلم
Subscribe to:
Post Comments (Atom)
موضوعك فكرتك جميلة يا احمد
ReplyDeleteاحنا محتاجين فعلا اننا نوحد الصف العربي
فعلا الكلام ده مطلوب جدا دلوقت خاصة بعد ما بقينا احزاب زي ما بتقول
بس اهم حاجة اننا نكون مقتنعين من جوانا
بان العرب امة واحدة ميكونش ده مجرد كلام وخلاص
موضوعك يستحق المناقشة فعلا
يا باشا لا حياة لمن تنادى
ReplyDeleteاسماء: بنا هتكوون الفكرة واقع والحلم حقيقه
ReplyDeleteاسالى نفسك تعرفى ايه عن الدول العربيه؟ هتلاقى نفسك تعرفى عن اوروبا وامريكا اكتر.
محمد: ما ينفعش نقول لا حياة لمن ينادى ومينفعش برضوا
نقول وانا مالى وخلينى فى حالى
نبدا بنفسنا اسال نفسك انت بتحب اخوك العربى ولا بتكرهه
دا الاهم ان احنا نبدا بنفسنا ونصارح بعض
علشان فى الاخر نعرف
احنا واقفين فين بالضبط
وشكرا على المداخله الجميله يا باشا وحشنا والله يا نجم
ايه انتى نسيتنا ولا ايه
انا كمان الموضوع ده شاغلنى اوووووى وضايقنى اوووووى
ReplyDeleteوحسيته ايام الحرب على غزه
لما كل دوله عربيه قعدت تنتقد اللدول الاخرى وبالاخص مصر
وحسيته كمان فى خلاف مصر مع حزب الله
وكمان حسيت بصدق مقولة
" اتفقوا على الا يتفقوا "
ولو جيت للاساس فهتلاقى ان الاستعمار دى كانت امنيته وحلمه
" فرق تسد "
وفعلا نفذها باحكااااااام
سنه بتقتل فى شيعه
فتح بتحارب حماس
فتنه بين مسلمين ومسيحين
بجد مااعرفش المشكله دى تتحل ازاى
ولا اواى العرب يتجمعوا من تانى زى حرب 73
وصدقنى لو هما اتفقوا وتعاونوا انسى ان يبقى فيه دول اوروبيه واسرائيل وامريكا
وهتنهاااااار كل الدول دى
وللاسف هما عارفين كده " الدول الاوروربيه " وعاملين حساب ده كويس
كلامك كله صح يا دودو
ReplyDeleteبس احنا عاوزين نغير نظرتنا لبعض
يعنى سؤال انتى تعرفى ايه عن عادات النات اللى فى السعودي ولا لبيا ولا تونس
وياترى ايه فكرتك عنهم
ومش انتى بس اصحابك جيرانك
هتلاقى الكل بيشتم ويسب هتساليه انتى اتعملت معاهم هيقولك لا وبكل فخر كانه من طينه تانيه
هتساليه طب بتقول عليهم الكلام ده ليه
هيرد ويقولك معرفش بس الناس كلهم بيقولوا كده
(~_~)
والكلام ده مش فى مصر بس لا فى كل الدول العربيه
احنا ما يهمناش السياسه ولا الملوك ولا الرؤساء فى اى شىء
احنا اللى يهمنا شىء واحد وبس
هو الناس العاديه انا وانتى وهو وهى
وما تهمش الاسماء فى حاجه لانه المسلمين كلهم اسمائهم واحده حتى ولو هنود مش عرب
اتمنى تكون فكرتى وصلت لكم
واتمنى فعلا يجى يوم لما واحد يجى يسالك انت مين او منين
تكون الاجابه واحده
مسلم عربى
مش سعودى ولا مصرى ولا قطرى ولا ولاولاولاولا
ولا افتخر
احمد
المشكلة من وجهة نظرى فى اننا بنمشى فى خطوط متقاطعة فتكزن النتيجة ان يعرقل كل منا الاخر وعلى العكس لو اننا سرنا فى خطوط متوازية لنجحنا ولدعم كل منا الاخر
ReplyDeleteوكل واحد ينجح فيما يمتاز به فانت غنى بالمال وده غنى بالموارد البشرية وده عنده علاقات دولية قوية
اللى يموتك من الغيظ ان اللى عنده فلوس مستعد يصرف كل فلوسه مش عشان يبقى عنده علاقات قوية ولكن عشان يضعف العلاقات اللى عند اخوه
وشكرا ياباشا
وجهة نظر لها احترامها وتقديرها
ReplyDeleteبس السؤال هل العلاقات العربيه على مستوى الحكام والملوك قدرت تاثر على العلاقات بين الشعوب العربيه كافراد واشخاص عاديين.
مثال بسيط
فى الفترة اللى فاتت حصل شد وجذب وشتيمة وخناق ما بين الحكومه المصريه والحكومه القطرية.
السؤال
هل الخلافات دى خلت المصرى العادى يكره قطر والقطريين؟
ومن الجهة التانيه.
هل القطريين اصبحم يكرهو مصر بحكومتها وناسها.
ده مجرد مثال بسيط جدا لخلاف صغيير جدا.
لان فى امثله تانيه كتيير اكبر بكتيير وكلها بتدعوا العرب انهم يفضلوا على خلاف وعداء مستمر.
احمد
الفكره وصلت يااستاذ احمد
ReplyDeleteوانا كمان بتمنى دهاوى
اتمنى ان يجى اليوم اللى مانكونش متعصبين لبلدنا وبسسسس
لان زى ماقلت كلنا فى الاخر مسسسسسسسسسلمين
يارب فعلا حلمك ده يتحقق
احمد انا معاك ان الشعوب المفروض
ReplyDeleteما تتاثر بتوجهات الحكام
لكن ده يرجع لمدى تحضر ومدى ثقافة الشعوب
فمثلا شعوبنا لو حكوماتهم
عجباهم و وكريمة معاهم
بيتاثروا بكلامها ولو كان غلط
وعلى العكس لو حكوماتهم خنقاهم ومضيقة عليهم
ما بيتاثروا بكلامهم ولو كان صح
!!!!!
وده يرجع لمستوى الثقافة يا عزيزي
dodoo
ReplyDeleteان شاء الله مش هيفضل حلم فترة طويله
هيتحول لحقيقة
بس كلنا نهتم ونبطل السلبية المسيطرة على حياة اكتر من نص الشعوب العربيه
سلبيه وانانيه وخنوع
محمد
المشكله فى الحكومات العربيه ان مالهمش نظام معين ماشيين عليه
بمعنى عاش الملك مات الملك
بحلم فى يوم ان اسمع عن حكومه عربيه عملت خطه طويلة المدى او حتى قصيرة بس استمرت فيها للنهايه
احنا بنبدا الخطة او المشروع او اى حاجه بنعملهيبكى بحماس يفوق الوصف وكلام انشا يخليك يخليك تعيش فوق مع السحاب
لكن الاسف بتكون فى سابع ارض قبل ما تشوف حتى لون السحاب
شوف فى جميع دول العالم "العالم الاول" هتلاقى الرؤساء او حتى الحكومات مجرد اداة لتحقيق النظام
وضعم لنفسهم نظام معين ماشيين عليه
زى امريكا مهما اختلفت توجهات رؤسائه لا انهم جمعيا وبدون استثناء بيساندوا ويدعموا الكيان الصهيونى بطريقه عمياء ومش بس امريكا لا دول العالم الاول كلها
ودعمهم لاسرائيل دا مجرد مثال بسيط منى على ان النظام هو اللى بيحكم مش شخص واحد يحكم بنظرته المحدوده وتوجهاته الشخصيه مصائر ملايين الاشخاص
هى دى نظرتى لوضع الحكومات العربيه وتاثيرها على شعوبها
اللى هو بالتاكيد تاثير سلبى على المدى البعيد.
احمد